“Nisi të lexonte që 18-muajsh”/ 10-vjeçari autik  sapo ka botuar një libër (FOTO)

Poezitë e tij janë shkruar mbi mallëngjimin, frikën, dashurinë, fenomenet natyrore apo edhe dëshirat e tij. Jamarbri ka spikatur për inteligjencën e tij që në moshë të vogël duke qenë pjesë e studiove të ndryshme televizive, ka marrë pjesë në shumë aktivitete, ka folur publikisht për autizmin. Atij i pëlqejnë gjuhët e huaja dhe po ashtu është një ndër lexuesit më të mirë të bibliotekave në Tiranë. I ftuar sot në “ëake Up”, ai rrëfeu se lulëkuqja është lulja që i sjell gëzim.

“Ndihem shumë i lumtur për librin. Më pëlqen shumë lulëkuqja, sepse është lulja që më sjell gëzimin”,

Ndërsa, i ati i tij u shpreh: “Jamarbëri ka lexuar në moshë shumë të vogël, gati 18-muajsh. Ne në fillim nuk i kushtuam rëndësi, por me kalimin e kohës, djali nuk e hiqte librin nga dora. Ne e kuptuam kur rastësisht, gjatë një vizite në Manastirin e Ardenicës. Pasi vizitoi Manastirin filloi të fliste me vete dhe tha një shprehje që ishte e shkruar aty në libër: ‘Nuk dënohet një zemër nga gjyqi lart, sepse një zemër mund të mbajë dashuri’.

Kjo na bëri shumë përshtypje dhe aty menduam që këto mendime t’i hedhë në letër dhe pas shkrimeve pafund që bënte djali, menduam të bënim librin”.