Zbulohen detajet/ Kush është i riu shqiptar që mas akroi  pensionistin e pasur në Greqi?

Vrasja e George Tsantilas, pensionistit 68-vjeçar në vjeshtën e vitit ’93, kishte pushtuar të gjitha mediat në shtetin grek. Kjo, pasi dyshimet e policisë si dhe hapat e parë të hetimit, i hapën derën një bote krejt të errët, me të cilën shoqëria greke nuk ishte mësuar aspak.

Policia arriti të gjejë trupin e pajetë të ish-agjentit të pasurive të patundshme në studion e tij, të masakruar me thikë. Shtëpia ishte e kthyer përmbys Në këtë mënyrë, kjo shenjë  tregoi se motivi kryesor i vrasjes ishte grabitja. Mirëpo, nuk kishte asnjë shenjë që tregonte se autori kishte hyrë me forcë në banesë.

Ndonëse, bishtat e dy cigareve të markave të ndryshme do të kishin qenë vetëm një detaj i parëndësishëm në qoftë se viktima do të kishte pirë ndonjëherë cigare – por Chantilas nuk ishte duhanpirës. Kjo do të thotë që brenda shtëpisë së tij ishin futur dy persona.

Policia u  vu në dijeni se 68-vjeçari frekuentonte shpesh “sheshin Vathis”, një vend ky i njohur për homoseksualët.

Dyshohet se autorët kishin hyrë në shtëpi me ftesë të vetë burrit të vrarë. Policia kontrolloi  vizitorët e rregullt në sheshin Vathis, ku u bënë dhjetëra arrestime, mirëpo gjurmët e gishtave të të dyshuarve nuk u identifikuan asnjëherë me ato që u gjetën në banesën e viktimës. Çështja u mbyll këtu!

Deri në datën 20 janar 2002, 28-vjeçari shqiptar Eduard Leka hyri në Komisariatin e Policisë dhe tregoi se kishte vrarë një burrë në Athinë në vitin 1993. Policia as nuk e besoi, mirëpo pas veprimit të tij kishte një pendim. Leka ishte një nga dy autorët e vrasjes së Chantilas në vitin 1993.