LIGJET E BIZNESIT
Numri dy i Partisë Socialiste Taulant Balla ka premtuar sot se presidentin Ilir Meta do ta shkarkojnë brenda këtij mandate.
Ai ka thënë se nuk do të presin parlamentin e ri, por tashmë ky proces ka avancuar dhe pritet të merren hapa konkretë.
Më tej, Balla u shpreh se një nga arsyet kryesore të marrjes së këtij vendimi ka qenë edhe Opinioni i Venecias, që sipas tij për Partinë Socialiste është i detyrueshëm.
“Kuvendi i Shqipërisë është institucioni më i besueshëm në vend dhe që do të vazhdojë të respektojë Kushtetutën e vendit.
Nuk dua të hyj në paragjykime, por në rastin e kërkesës së parë ka qenë opinioni i Komisionit të Venecias.
Ne jemi këtu ku jemi me shumë procese të rëndësishme. Që nga 1998 që kemi në dorë Kushtetutën, Opinioni i Venecias ka një vlerë të pakundërshtueshme dhe për PS-në kanë qenë të detyrueshme.
Ka kohë të mjaftueshme për të shqyrtuar kërkesën për shkarkimin e presidentit. Në dokumentin që kemi paraqitur ka prova të nevojshme për shkarkimin e tij.
Nuk janë katër muaj sot janë më shumë. Kuvendi e ka hapësirën e nevojshme për ta institucionalizuar ngritjen e komisionit hetimor parlamentar dhe ka dhe kohën e nevojshme dhe të mjaftueshme për ta përfunduar brenda këtij mandatit të këtij parlamenti, pra të legjislaturës 9. Legjislatuara e 10 fillon me 9 shtator, pra kohë mjaftueshëm për ta shqyrtuar këtë kërkesë të deputetëve nismëtar.
Kam besim se në opozitën e re, në legjistraturën e re të 10 të Kuvendit të Shqipërisë unë besoj se do të kemi mundësinë e një fryme bashkëpunimi për të çuar përpara reformat e rëndësishme për vendin”,- tha Balla.
