“Ikja e tij na trishtoi shumë” Gjyqtari i njohur humb jetën nga virusi, kolegët japin mesazhin prekës

Një lajm i hidhur vjen së fundmi nga drejtësia në Shqipëri.

Gjyqtari i njohur Durim Kadiu nuk ka mundur dot të fitojë betejën me C OVID19, duke ndërruar jetë.

Gjkata e Lartë ka shprehur ngushëllime për këtë humbje, ndërsa thekson se ndarja e tij nga jeta ka trishtuar shumë bashkëpunëtorë të tij, kolegë dhe miq.

MESAZHI I GJYKATES SE LARTE:

Gjykata e Lartë shpreh ngushëllimet për ndarjen e parakohshme nga jeta të kolegut Durim Kadiu.

1. Kadiu ka ushtruar detyrën e gjyqtarit prej vitit 1994, ka drejtuar Gjykatën e Rrethit Gjyqësor Kavajë, Kabinetin e Kryetarit të Gjykatës Kushtetuese dhe vitet e fundit ka punuar si ndihmësmagjistrat në Gjykatën e Lartë.
   Ndarja e tij nga jeta, ka trishtuar shumë bashkëpunëtorë të tij, kolegë e miq në Gjykatën e Lartë.
   Me anë të këtij mesazhi, dëshirojmë të shprehim edhe një herë falenderimet tona si gjykatë, për mundësinë që na u dha, për të patur pranë nesh, gjatë gjithë këtyre viteve, një bashkëpunëtor profesionist dhe të përkushtuar si Durim Kadiu dhe njëkohësisht i shprehim ngushëllimet më të sinqerta familjes.