Pashkë në karantinë/ Emigrantët shqiptarë nuk “tradhëtojnë” atdheun, disa kanë arsye shëndetësore

Ndonëse ka një kufizim për t’u karantinuar 14 ditë nëse hyjnë në territorin shqiptarë, ka ende disa emigrantë që kanë ardhur për festën e Pashkës nga Greqia. Në Kapshticë, emigrantët thonë për “EuroNews Albania” se nuk u ka kërkuar njeri informacion për karantinën.

“Vij nga Athina. Shkova pyeta, s’na thanë gjë. Thanë që në datën 3 do hyjnë e do dalin njerëzit, kaq”, tha një emigrant.

“Kam ardhur se kam mamanë të sëmurë, e kapi zemra dhe duhet ta çoj në Tiranë me patjetër. Se skam njeri tjetër. Kemi qiranë, kemi dritat si mund të rri tani unë dy javë? Unë thashë të shkoj t’i bej një analizë në Tiranë e të kthehem. Jo, nuk duam të qëndrojmë, ne duam të ikim. Po munguan kalamajtë në shkollë marrim mungesa”, tha një emigrante.

Ka prej tyre që vijnë edhe për festë, duke marrë parasysh edhe karantinën 14 ditore.
“Vij nga Selaniku, nga Greqia. Vij për festën për pashkët. Do karantinohemi dy javë. Nuk është e vështirë karantinimi, varet si gjithsecili e sheh. Gëzuar Pashkët”, shtoi një tjetër emigrant.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern