I harruar nga institucionet shqiptare/ Pa flokë e pa mjekër, ja si dukej aktori që luajti rolin e Skëndërbeut

Akaki Khorava është jo vetëm aktori por edhe përfytyrimi më original i heroit tonë kombëtar Gjergj Kastriotit. Gjeorgjani arrit mjeshtërisht të sillte në sinkron historinë e Skëndërbeut, si një kujtim që e ruajmë brez pas brezi.
Në përditshmërin e tij, Khorava nuk kishte një fytyrë të rënde, a të një burri me mjekër e flokë të gjatë.

Ai shfaqej krejt ndryshe, ndonëse mimika e tij burrërore përafrohej shumë me heroin tonë kombëtar.

Një ditë më parë, për aktorin u mbajt 126 vjetori i lindjes. Elis Kulo, programues, nëpërmjet një statusi në “Facebook” shkruan se aktori i njohur është harruar nga institucionet tona. Kontributi i tij nuk është vlerësuar sa duhet thotë ndër të tjera Kulo.

“Nëse ka një grup personash, të cilët shoqëria shqiptare i ka lënë në harresë, njëri ndër ta është padyshim Akaki Khorava, aktori gjeorgjian që ka interpretuar rolin e heroit tonë kombëtar, Gjergj Kastrioti Skënderbeu. Për karrierën e tij para dhe pas filmit, por edhe për periudhën e xhirimit të filmit, nga shtypi dhe studiuesit e artit shqiptar është shkruar pak.
Pavarësisht mendimeve të ndryshme që gjithkush mund të ketë, ekziston ideja e përgjithshme se filmi ka dalë i realizuar shumë mirë, po të marrësh parasysh së paku dy fakte:
1. Filmi ka arritur të marrë 2 çmime dhe një kandidim tjetër në festivalin e Kanës.
2. Vështirësitë e kohës dhe mungesën e përvojës, pasi për pjesën shqiptare të stafit, kjo ishte e para herë që kontribuonte në realizimin e një filmi.

Kohët e fundit në Shqipëri është marrë vendimi që dy shkolla të reja të marrin emrat e një gazetari dhe një ish kryeministri të ndjerë. Pa hyrë fare në polemikë, mendoj se as njëri, as tjetri, me gjithë keqardhjen për ndarjen nga jeta para kohe, nuk ka kontribut të mjaftueshëm për t’u vendosur emrat përkatës dy shkollave. Ndoshta edhe një shkollë me emrin Akaki Khorava mund të tingëllojë një ide e tepruar, por ama një kinema, një teatër sot mund të mbante emrin e tij”.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern