U ndërruan gabimisht kur lindën/ 38 vjet më vonë dy gratë zbulojnë familjet e tyre të vërteta

Dy gra kanë zbuluar se kanë jetuar në familjet e gabuara 38 vite më vonë, si rezultat i ngatërrimit në spital, në kohën e lindjes.

Prindërit e Gulsina Baimurzina e Alyona Baulina e dinin që kishte diçka që nuk shkonte pasi vajzat e tyre nuk u ngjanin atyre nga tiparet, por misteri do të zbulohej pas 38 vitesh.

Nënat e tyre, Vasilya Baimurzina e Valentina Baulina, beheshin shpesh objekt thashethemesh në fshatrat e tyre fqinje në Rusi, ku banorët permendnin faktin se vajzat ‘nuk ishin të tyret’ prej ndryshimeve fizike me bijat e tyre.

Tanimë dy gratë duhet të mësohen me të vërtetën e re, me prindërit e tyre biologjikë dhe të afërmit e tyre.