Më i preferuari/ Kush është ministri që ka marrë më shumë vota në Berat, dalin shifrat për të tjerët

Berati është qarku i radhës ku përfundon numërimi i votave për kandidatët për deputetë.

Në këtë qark, PS merr 5 mandate, ndërsa PD-2. Nga LSI, që në këto zgjedhje del pa mandat nga Berati, ka pasur akuza për tjetërsim votash nga ana e PS. Lëvizja Socialiste për Integrim pretendon se për pasojë, mandati që ata duhet të merrnin i ka kaluar PS-së.

Kandidati më i votuar nga PS dhe gjithë qarkun rezulton Blendi Klosi me 12 339 vota. I dyti në PS vjen Bardhyl Kollçaku me 6 370 vota. Ai pasohet nga e para e listës së socialistëve në qark Hatixhe Konomi, e cila ka siguruar 5 622 vota. I katërti më i votuar nga socialistët është Nasip Naço me 4 667 vota, që në 2017-ën kandidonte për LSI-në dhe arriti të merrte mandat. Fadil Nasufi renditet i pesti me  4 375 vota. Të pestë do të jenë pjesë e parlamentit të ri.

Nga PD, kryeson drejtuesi i qarkut Tomorr Alizoti me 5 054 vota. Bashkë me të në Kuvend do të jetë i dyti më i votuari nga Partia Demokratike – Kasëm Mahmutaj me 4 267 vota. Bujar Hoxhaj, i cili mbetet jashtë parlamentit, renditet i treti me 3 560 vota.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Nga LSI, më i votuari është Blenard Nonaj me 2 478 vota, i dyti i listës së partisë së tij.