LIGJET E BIZNESIT
Kandidati i parë për deputet që ka kapur dhe thyer herësin me 9646 vota që i takon Elbasanit është Luçiano Boçi.
Shifrat dolën llogaritur nga totali i votave që ka marrë partia në këtë qark, pjesëtim për numrin e deputetëve që ka siguruar kjo parti.
Pas zgjedhjeve, Boçi i ka falenderuar të gjithë ata që e kanë mbështetur dhe votuar.
Gjithashtu ai ka shprehur mirënjohjen dhe ndaj kryetarit të Partisë Demokratike Lulzuim Basha dhe Gazment Bardhin që drejtoi fushatën.
“Beteja për të çnjërrosor të keqen që ka pushtuar vendin vazhdon” shkruan ai ndër të tjera.
REAGIMI I PLOTE:
Shumë pak të shprehësh vetëm falenderime për qytetarët e qarkut Elbasan, të cilët më votëbesuan ndershmërisht, me ideal e vërtetësi, pa u ndikuar as nga paratë e pushtetit, as nga dhuna e tij, as nga joshjet e miklimet për favore!
Nuk mjafton vetëm mirënjohja për strukturat e Partisë Demokratike të qarkut e drejtuesit e tyre, komisionerët, vëshguesit, grupet mbështetëse, përfaqësuesit e ZAZ-ve, numëruesit, të gjithë anëtarët e PD, të cilët më përkrahën pa bujë e zhurmë, po me shpirt e zemër, nē këtë betejë të pabarabartë me të keqen!
Përulje respekti për ekipin tim të mrekullueshëm e të palodhur, plot jetë, vlera e vizion, me vajza e djem të mençur, entuziastë e me shumë dëshirë për të ardhmen!
Nderime pa fund për shokët e miqtë e mi të shumë brezave e shtresave e bashkëpunëtorët e kaq viteve politikë, të cilët nuk u shkëputën as një minutë e centimetër nga lufta krah meje!
Vlerësime të sinqerta e të vërteta për Kryetarin e PD, zotin Basha që me besoi kandidimin, për Gazin që drejtoi me dinjitet fushatën e qarkut, për grupin cilësor të deputetëve që me diferencat e qëndrimeve e opinioneve kalimtare, më motivuan më shumë.
Në fund, familja ime tashmë e rritur në numër, jam vetë unë!
Megjithatë nuk mund të bërtas dot FITORE, sepse kjo e imja është thjesht një rreshtim i ri pranë të gjithëve ju!
Beteja për të çnjërrosor të keqen që ka pushtuar vendin vazhdon…
