Ardian Dvorani rrëzon LSI-në: Emigrantët nga Greqia dhe Maqedonia do bëjnë karantinë në qoftë se vijnë për zgjedhje!

Gjykata Administrative e Apelit ka rrëzuar kërkesën e LSI për të hequr karantinën 14 ditore për emigrantët të cilët vijnë nga Maqedonia e Veriut dhe Greqia, vendim i Komitetit Teknik të Ekspertëve.

Një ditë më parë, Gjykata Administrative pasi ka parë padinë e depozituar nga LSI, ka shpallur moskompetencën, duke lënë ë këtë mënyrë në fuqi vendimin e Komitetit Teknik të Ekspertëve. Administrativja thotë se vendimi nuk është në kompetencat e saj.

Avokati i Popullit si dhe Presidenti Ilir Meta kanë reaguar në lidhje me vendimin e Komitetit, duke e cilësuar atë një veprim të paligjshëm për të penguar emigrantët që të votojnë. Ata kanë kërkuar që ky vendim të shfuqizohet.

Padia e Lëvizjes Socialiste për Integrim i kaloi për shqyrtim Kolegjit Zgjedhor. Përmes shortit është zgjedhur dhe kreu i trupës gjykuese për këtë padi. Gjyqtari që shqyrtoi ankimimin e LSI ishte Ardian Dvorani. Ditën e sotme, Apeli i Gjykatës Administrative ka rrëzuar kërkesën e LSI duke lënë në fuqi vendimin e Komitetit.

Emigrantët të cilët vijnë nga Maqedonia e Veriut dhe Greqia, do të bëjnë karantinë 14 ditore.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern