U kap duke blerë vota/ Pse u “zhduk” kandidati i LSI-së, ka fikur telefonin

Nisin hetimet ndaj kandidatit për deputet të Lëvizjes Socialiste për Integrim në Tiranë, Elton Joka, pas publikimit të videos e cila ishte me përmbajtje korrupsioni dhe blerje votash.

Kandidati i njohur për deputet, tashmë i shpallur në kërkim policor, nuk ka pranuar të dëshmojë për rastin në polici dhe madje ka fikur telefonin.

I renditur i 22-ti në listat e Lëvizjes Socialiste për Integrim në Tiranë, kandidati Etjon Joka shfaqet në një video që është publikuar sot, ndërsa i jep 100 dollarë një qytetari që është angazhuar të mbledhë vota për LSI-në.

Në videon e publikuar nga “Breaking” në Top Neës, Joka bisedon edhe me një qytetar i cili i thotë se ka bërë 100 vota, duke përfshirë edhe 12 që i ka bërë gruaja e tij.