Nesër heshtje elektorale/ Basha u drejtohet punonjësve të administratës publike: Mos kini frikë (VIDEO)

Nesër është heshtje elektorale, pasi një ditë më vonë, të dielën janë zgjedhjet e 25 prillit.

Ndërkohë kryetari i PD Lulzim Basha i është drejtuar me një mesazh punonjësve të administratës publike që të mos kenë frikë, por të dalin për votime dhe të zgjedhin ndryshimin-

Lideri demokrat theksoi se i vetmi ndryshim për të cilin do të votojnë është largimi i atyre që ju kanë përdorur dhe kthimi i dinjitet.

MESAZHI I BASHËS
Dilni masivisht të votoni për ndryshimin!
Dua të jap një mesazh të qartë dhe të drejtpërdrejtë për të gjithë punonjësit e administratës: mos kini frikë. Dilni masivisht të votoni për ndryshimin! I vetmi ndryshim për të cilin do të votoni është largimi i atyre që ju kanë përdorur dhe kthimi i dinjitetit, normalitetit dhe i mundësisë për t’i shërbyer ligjit dhe qytetarëve. #ShqipëriaFITON