Dinamika e kri mit në Elbasan/ Demokratët kapën makinën me para, përleshja në sytë e nëndrejtorit të policisë

Një personi i vdekur dhe tre të tjerë të plagosur është bilanci i përplasjeje me armë në lagjen “5 Maji” në Elbasan.

Nga kjo ngjaarje mbeti i vrarë aktivisti i Partisë Socialiste për Elbasanin, Pjerin Xhuvani ndërsa të plagosur një efektive policie, Kelmend Xhaferri si edhe një tjetër person, ende i paidentifikuar.

Policja Xhensila Sota ka marrë një plumb në këmbë, teksa në gjendje të rëndë në spital ndodhet një person tjetër, që dyshohet se është dhëndri i viktimës Pjerin Xhuvani.

Mësohet se përplasja me armë ka ndodhursi pasojë e zgjedhjeve, ku dyshohet se një makinë e shtabit të Partisë Socialiste është kapur nga mbështetësit e PD-së duke shpërndarë para në këmbim të votës.

Pas konstatimit të makinës është thirrur menjëherë edhe policia. Në vendin e ngjarjes ka mbërritur nëndrejtori i Policisë së Elbasanit Abert Nushi dhe disa efektivë të Shqiponjave. Nnë vend ka mbërritur edhe një makinë me simpatizantë të PS-së. Pas mbërritjes së kësaj makine, janë dëgjuar 16 të shtëna me armë të ndryshme.

Bëhet me dije se gjithçka ka ndodhur në praninë e dyshit të policisë së Elbasanit, Albert Nushi.

Pas përplasjes me armë është dorëzuar ish-efektivi i RENEA-s Arbër Papleka, që dyshohet se ka qëlluar me armë ndaj Xhuvanit gjatë shkëmbimit të zjarrit.