LIGJET E BIZNESIT
Një nga temat më të diskutuara aktualisht në vendin tonë është pa dyshim ajo e patronazhistëve.
Por si funksionon dhe si arrin të mbledhë të dhënat një njeri i angazhuar pranë Partisë Socialiste dhe që mbledh informacione në terren për persona të caktuar?
Një prej tyre ishte i ftuar së fundmi në programin “Breaking”, i cili vendosi të ruante anonimitetin.
-Si u bëtë patronazhist?
Si njeri i lirë i këtij vendi, në një moment të caktuar bëra zgjedhjen time, duke patur besim tek ajo parti, vendosa që të angazhohesha. Gjithmonë me vullnet të ri dhe pa asnjë favor.
Në momentin që vendosa të angazhohesha, mu dha detyra si patronazhit. Patronazhisti kishte si detyrë të kontaktonte me personat që njeh në zonën që banon, dhe e gjitha është kontakt i drejtpërdrejtë me ta apo telefon dhe rrjetet sociale. Nuk është e vjedhur, e dhënë me dëshirën e tyre.
Është një tip sondazhi, pavarësisht se ka marrë një konotacion negativ. Edhe Partitë e tjera të kanë marrë në telefon, edhe ai ka qenë patronazhist. Je ti që vendos që të thuash kë voton. Në momentin që një person të thotë hapur votën e tij, ti bën gjestin e thjeshtë një votë e sigurt, një votë e dyshuar. Personi që nuk jep të dhëna, ti nuk shënon asgjë.
Çdo parti ka zyrat e veta në çdo zonë, në çdo njësi. Aty mblidhen organizatat partiake, ku mblidhen edhe patronazhistët. Kjo bëhet duke shkuar duke trokitur derë më derë. Askush, asnjë qytetar nuk detyrohet. Bëhet edhe përmes telefonit, nëse dikush nuk përgjigjet e shënon votë e dyshuar apo për partinë tjetër.
-Po numri i kartës së identitetit?
Në momentin që kontakton me personin, me dëshirën e tij jep informacione. Qoftë numrin e telefonit.
-Çfarë përfitonit? Kishte pagë një premtim pas zgjedhjeve?
Është bërë me vullnet të lirë, patronazhit bëhet çdo person që ka dëshirë të bëhet pjesë e një partie politike.
-Kishit një numër të caktuar?
Nuk ka një numër fiks, por merr edhe persona që njeh. Kemi dëgjuar në një lagje se kush voton kë. Nuk është një gjë e re. Një numër të caktuar nuk di të them, por funksionin me familje, ndoshta 20 ose më shumë.
Di të them punën time që kam bërë si patronazhit. Mbledhje e të dhënave të personave që kanë dashur që të japin ato. Puna ka vijuar normalisht. Është proces që ka ekzistuar më herët. Nuk ka pasur asnjë problem, ata kanë nisur punën e tyre duke komunikuar me personat që kanë nën patronazh.
-Si e vërteton PS që të dhënat që i keni dërguar janë të sakta?
Patronazhisti është një lloj sondazhi dhe në fund shihet se sa janë arritur pritshmëritë.
-Po ditën e votimit?
Patronazhisti do që partia e tij të votohet, e duke pasur parasysh sondazhet që ka bërë, kërkon që ato vota që i ka të sigurta, ti marrë sërish në telefon që tu thotë që të shkojnë të votojnë. Nuk ka pse të japësh të dhëna të rreme. Duhet që sondazhi të jetë sa më i sigurt, që të shmangen ato paparashikimet. Kam 4-5 vite që merrem me këtë punë.
