LIGJET E BIZNESIT
Një shqiptar është sulmuar në një ndjekje me makina nga 6 persona të paidentifikuar të cilët e dhunuan dhe e grabitën pasi i zunë pritë në rrugë. Ngjarja ndodhi të shtunën në orën 15.40 në zonën e Voula.
Policia e Athinës u shpreh se 30 vjeçari nga Fieri po ngiste motorin e tij në rrugën Apollonos afër hyrjes së dytë të Asteras, kur një automjet i bardhë marka Volksëagen i bllokoi atij rrugën.
Nga makina ku gjendeshin 4 persona, doli një djalë gjysmë i zhveshur, me një tatuazh të madh në shpinë, e kapi 30-vjeçarin dhe filloi ta godasë në kokë. Sulmi nisi pasi u përfshinë dhe personat e tjerë në mjet.
Në të njëjtën kohë, një automjet i dytë i afrohet vendit ku po ndodhet sulmi dhe dy persona të tjerë dolën dhe u sulën drejt 30-vjeçarit duke nisur goditjet dhe mallkimet në Greqisht dhe Shqip.
Pastaj, nisi dhe plaçkitja e shqiptarit. Agresorët i morën të gjitha gjërat qgjithë çfarë kishte me vete dhe në motor, dy varëse floriri, portofolin me një shumë eurosh, celularin, etj.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Në këto momente, fieraku ka kuptuar se duhet të shpëtonte kokën dhe ka arritur të vrapojë duke u humbur nga sytë.
Frymën e mbajti në rajonin policor në Vari – Voula – Vouliagmeni ku denoncoi atë që i kishte ndodhur.
Policia tha se po përpiqet të identifikojë gjashtë personat që sulmuan të riun fierak. Dyshimet janë se disa nga të dyshuarit janë shqiptarë që kishin njohje të mëparshme me fierakun dhe e kishin vënë në shënjestër për ta dhunuar e grabitur.
