Basha i thotë sërish “jo” Ramës, thirrje socialistëve: Do të jem kryeministër i të gjithëve

“E kanë ndjerë dyfish dhimbjen sepse kanë punuar për PS dhe sot janë dyfish të zhgënjyer. Ju them sot socialistëve ngrijeni kokën, bashkohuni me ne. Bëhuni pjesë e ndryshimit. Qeveria në ikje e bëri naftën më të lirë për jahtet sesa për fermerët. Projektin që ne nisëm Kardhiq-Delvinë e la në vendnumëro. Për tetë vite e la atë projekt në baltë. Dhe tani ka guximin të vijë dhe të kërkojë edhe katër vite të tjera. E la vendin tonë në errësirë dhe varfëri. Mos ia hapni derën ndryshimit për herë të tretë. Ne do ta bëjmë realitet hapjen e negociatave brenda 100 ditëve të para. Ai e kupton se ne mund të bëjmë realitet dhe tani kërkon të bëhet pjesë e qeverisjes sonë. Përgjigja ime nga Delvina është jo nuk ka për të ndodhur. Koha e Edi Ramës ka mbaruar, erdhi dita për votën tuaj. Në familjet tuaj, në pronat tuaja, në këtë trevë të mrekullueshme ndryshimi nuk vjen pa larguar Edi Ramën. Le të bëhemi bashkë, krah për krah si një familje e madhe duke përfshirë mijëra socialistë të ndershëm, le tu themi se ndryshimi që do vijë nuk do të na ndajë por do të na bashkojë. Unë do të jem kryeministër i të gjithë shqiptarëve,” tha Basha.