21 minatorë mbeten të bllokuar në minierë/ Autoritetet nuk arrijnë të kontaktojnë me asnjë prej tyre

Një minierë qymyri në rajonin Xinjiang të Kinës është përmbytur sot, duke lënë të bllokuar 21 minatorë.

Mediat kineze thonë nuk dihet se çfarë e ka shkaktuar përmbytjen në minierë, ndërsa raportohet se 8 punëtorë të tjerë arritën të shpëtonin.

Sistemi i emergjencës është dëmtuar rëndë. Autoritetet thonë se nuk kanë asnjë kontakt me minatorët e bllokuar.

Ekipet e shpëtimit po punojnë për të nxjerrë ujin me anë të një pompe dhe për të shpëtuar minatorët e bllokuar.