Zbardhen emrat e 2 ortakëve të kompanisë së bananeve të shoqëruar për sasinë e lëndës narkotike

Kompania, në kontenierët e së cilës u gjetën rreth 200 kg kokainë, kishte selinë në Tiranë dhe bëhet fjalë Massabi Fruits. Kjo kompani sipas Report Tv operonte në treg që prej vitit 2018 me importin e bananeve nga Amerika Latine.

Nga sa është raportuar deri më tani mësohet se janë shoqëruar në polici ortakë, Klajdi Xibraku dhe Erjon Peti, të kësaj kompanie, të cilët kishin mbërritur për të tërhequr sasinë e bananeve. Ato kanë mohuar kategorikisht përfshirjen në ngjarje.

Sasia e drogës së peshuar deri më tani është 200 kg, e ndërsa ajo po vijon të peshohet. Nuk dihen ende se cili është dërguesi dhe porositësi i kësaj sasie të kokainës.