Mijëra kosovarë edhe sot drejt Shqipërisë/ Përse po braktiset Kosova?

Mëngjesin e sotëm, mijëra qytetarë të Kosovës kanë mësyrë në Shqipërisë për të kaluar fundjavën.

Mbi 13 mijë kosovarë, ditën e premten kaluan kufirin Vërmicë-Morinë, për të kaluar fundjavën në shtetin shqiptar, shumëa prej tyre pranë bregdetit.

Në vendimin e tyre kanë ndikuar edhe masat e reja shtrënguese që Qeveria Kurti vendosi kundër pandemisë Covid-19.

Sipas Qendrës për Menaxhimin e Kufijve, në Vërmicë të shtunën janë krijuar kolona deri në 400 metra, teksa pritjet janë shtuar deri në 30 minuta për të kaluar në anën e Shqipërisë.

Aktualisht nuk ka ndonjë masë ndaluese apo kërkesë për tu pajisur me test negativ PCR.

Shqipëria javët e fundit ka shënuar rënie të vdekjeve dhe rasteve të reja si pasojë e COVID-19 derisa në Kosovë ato janë rritur dukshëm.