Trishtuese/ Virusi i merr jetën gazetares së njohur në moshën 54-vjeçare

Gazetarja e njohur nga Shkodra, Anila Dushi ka humbur jetën si pasojë e Koronavirusit.

54-vjeçarja ishte e infektuar me Covid prej disa ditësh. Ajo nuk ka arritur që ta fitojë betejën me virusin.

Lajmi u bë ditur nga gazetari Ardi Hoti në një njoftim në rrjetet sociale.

“Covidi na mori nje nga gazetaret qe pervec nje kolege e mike e mire u kthye ne nje “nene” te dyte me keshillat qe i jepte cdo kolegu gazetare .Pothuajse i gjithe brezi i ri gazetareve ne Shkoder u rrit ne kompjuterin Tend .Ne ate kompjuter gjenden fotot e gazetareve qe kur ishin “femije” e derisa u bene me femije.E veshtire per kedo ti thot lamtumire Anila Dushit” shkruan ai në postimin e tij.

Gazetarja pak ditë më parë shprehej në një postim se virusi ishte një “tmerr” i vërtetë.

“Kam besuar që në fillim se Covid-19 është një luftë botërore. Kam dëgjuar mjaft nga ata që e kanë kaluar. Por qenka një tmerr,” shkruante ajo më 4 prill në Facebook.