LIGJET E BIZNESIT
Reperi me famë botërore, Earl Simmons, i njohur me emrin e artit DMX, ka ndërruar jetë në moshën 50 vjeçare, pothuajse një javë pasi u godit nga një atak në zemër, si pasojë e mbidozës nga droga.
Familja e tij ka konfirmuar lajmin në një deklaratë ku shkruajnë: “Jemi thellësisht të trishtuar të lajmërojmë se i dashuri ynë DMX, emri i vërtetë Earl Simmons, ka ndërruar jetë në moshën 50 vjecare në spitalin ‘White Plans’, pasi ka luftuar me jetën ditët e fundit të tij”.
Lajmi erdhi pasi u raportua se organet e tij nuk po funksiononin sic duhej dhe pasi truri i tij kishte humbur çdo funksion.
DMX nxori për herët të parë albumin e tij në vitin 1998, më titull “Its dark and hell is Hot”, më të cilin u bë shumë i njohur në të gjithë botën. Gjithashtu në krye të klasifikimeve atë e kanë mbajtur edhe albumet me titull ‘And then There was x, Flesh of my flesh, Blood of my blood, The great Depression, dhe Grand Champ. Ai numëron 7 albume dhe ka fituar 3 nominime për çmime grammy.
