Kryemadhi feston ditëlindjen/ Ja  dhurata e veçantë që i bëri Basha me Aurelën 

Kryetarja e Lëvizjes Socialiste për Integrim, Monika Kryemadhi ditën e sotme feston ditëlindjen e 47-të, teksa gjatë gjithë ditës ka qenë energjike dhe e lumtur, pasi ka marrë urime dhe dhurata nga më të ndryshmet. Një pjesë të madhe prej tyre i ka publikuar në rrjete sociale, midis të cilave vihet re edhe dhurata e kreut të PD, Lulzim Basha me bashkëshorten e tij Aurela Basha.

Ata i kanë dhuruar një buqetë të madhe me trëndafila dhe shumë lule të kuqe.

“Edhe 100 vite të bukura dhe të lumtura, Aurela dhe Luli”, shkruhet në pusullën e bashkëngjitur me buqetën me lule.

“Faleminderit”, ka shkruar Kryemadhi teksa e ka postuar dhuratën në rrjete sociale.