Rama flet për Bashën: Kam qenë me të, i tregoja barcaleta që mos ta zinte gjumi

Kryeministri Edi Rama është ndalur ditën e sotme në Sarandë për të vijuar me fushatën e tij elektorale. Në takimet me banorët, ai nuk nguroi të ironizonte kundërshtarin e tij Lulzim Basha.

Rama u shpreh se Basha nuk është koherent asnjëherë, pasi edhe kur flet është në gjumë. Me ironi, kryeministri tregoi se ka qenë me Bashën. Që të mos e zinte gjumi, sipas tij i tregonte barcaleta. Ai vijon më tej duke thënë se janë Meta me Berishën ata që e kurdisin sipas interesave të tyre.

Edi Rama: Ne e kemi taksën zero, Luli thotë 9%. Po pse duhet të paguani 9% ju? Që Luli të flerë të PD-ja? Mos ia qani hallin se ai mund të flejë te SHQUP-i, mund të flejë në shtëpi, në makinë siç e keni parë, pa problem fare ku ka një vend të mbështesë kokën fle dhe kur flet është duke fjetur, ka mësuar të flasë në gjum dhe është i papërgjegjshëm kur flet. Një herë thotë dilni thyiji xhamat e shponi gomat, pastaj të kundërtën. Njëherë shfaqet si radikal ekstremist dhe një herë si çun i mirë, varet si është kurdisur. Dhe pas tij qendrojnë ata që e kanë kurdisur. A ka më ndonjë që të dojë Metën dhe Berishën? Të duan prapë që Shqipëria të hyjë prapë në një fazë pasigurie dhe të përfundojë në një humnerë. Erdhi FMN na tha ulni pensionet dhe pagat se ka shkuar borxhi në maksimum se e lanë vendin në borxh ata. Jo i thashë ne do bëjmë reformën në energji.