“Qeverisë së 1 prillit do i përgjigjem nga aeroporti i Vlorës” Meta ironizon pas ‘thumbit’ të Ramës

Presidenti Ilir Meta ka  reaguar me ironi të fortë pas deklaratës së kryeministrit Edi Rama.

Ai shkruan se do ti përgjigjet qeverisë së 1 prillit nga aeroporti i Vlorës.

“Qeverisë së 1 Prillit do t’ia jap sot pasdite nga Vlora përgjigjen për çështjen e Aeroportit të Rinasit, si çështje shumë e rëndësishme e sigurisë kombëtare dhe e detyrimeve ndërkombëtare.

Nëse është hapur Aeroporti i Vlorës, konferencën e shtypit do e bëjmë atje, por nëse jo, në një ambient tjetër të përshtatshëm për të cilin gazetarët do të njoftohen në kohë.

Ftohet dhe “Tërmeti” të marrë pjesë për shkak të përvojës së tij me aeroportet, fluturimet dhe jo vetëm’, shkruan Presidenti Ilir Meta në Facebook.

Deklarata e Edi Ramës:

Ilir, dokrrat me injorimin e kërkesave të pseudosindikatës së kontrollorëve dhe predikimet për mosndërprerjen e punës në aeroport nuk pinë ujë!Je një nga dy nxitësit e kësaj goditjeje të çmendur, në kërkimin e palodhur të rrëzimit të qeverisë e të vetë shtetit!T’i harrosh të dyja!