Pas gazetarëve dhe policëve, zbulohet kategoria që ka radhën të vaksinohet

Ende vijon vaksinimi në vendin tonë. Përpos grupmoshave të mëdha, ditë pas dite qeveria cakton edhe disa kategori profesionesh që konsiderohen si më të rrezikuarat.

Një javë më parë u njoftua për vaksinimin e gazetarëve dhe policëve. Ndërsa tashmë radha është e farmacistëve.

“Të nderuar kolegë, Ju njoftojmë se ditën e nesërme nis procesi i vaksinimit për farmacistët e Rajonit të Tiranës. Të gjithë farmacistët që janë të interesuar të vaksinohen, të plotësojnë formularin e mëposhtëm me të dhënat përkatëse, në mënyrë që të hartohen listat që do i dërgohen qendrave të vaksinimit,” thuhet në njoftimin e Urdhrit të Farmacistëve.

Deri tani, janë vaksinuar 200 mijë persona. Ritmi i të vaksinuarve në ditë shkon nga 19-20 mijë persona.