Kur duhet të vaksinohen ata që e kanë kaluar virusin? Tomini sqaron qytetarët me përgjigjen

Zv.ministrja e Shëndetësisë Eugena Tomini ka folur rreth situatës epidemiologjike në vend si dhe fushatën e vaksinimit.

Ajo sqaroi ndër të tjera se kur duhet aplikuar vaksina anti-C OVID19 te personat që e kanë kaluar virusin.

E ftuar në “ABC-në e mëngjesit”, Tomini tha se vaksinimi te këta persona  këshillohet të kryehet 3 muaj pasi kanë shfaqur shenjat e para klinike të C OVID19.

“Thirrja për të aplikuar bëhet nga mjeku i familjes. I bëhet thirrje popullatës ose individëve edhe pse ka një skedar për të cilët ka historik. Pra i bëhet thirrje popullatës ose individëve nëse janë dakord për të aplikuar këto momente ose jo.

Duhet theksuar se brenda 3 muajve pas kalimit të shenjave klinike të C ovid pavarësisht moshës nuk rekomandohet kryerja e vaksinës sepse individi në mënyrë natyrale ka antikorpe. Ndërkohë në periudhën 3-6 muaj është e rekomandueshme pavarësisht se sipas studimeve të pjesshme imuniteti natural mund të qëndrojë 6 deri në 8 muaj, sigurisht bëhet e rekomandueshme aplikimi i vaksinës”, u shpreh Tomini.