I vjedhin gjelin/ Shqiptari ofron 1 mijë dollarë shpërblim për atë që e gjen

Pronari i një restoranti në SHBA kërkon statujën e gjelit të cilën ia kanë grabitur. Statujën gjigande shqiptari e kishte vendosur para oborrit të restorantit të tij dhe prej javës së kaluar ai nuk ka asnjë informacion mbi të.

Pas kërkimeve të shumta të kryear nga forcat policore, pronari i restorantit Artan Shabani vendosi që të ofrojë shumën 1.000 dollarë dhe një vakt falas shpërblim për atë që e gjen statujën.

Gjeli kishte një lartësi prej 3.6 metrash dhe një gjerësi prej 1.2 metrash. Statutja ishte vendosur në tokë me trarë çeliku.

Sipas shqiptarit, nëse hajduti kërkon që të shesë statujën e gjelit për para ai është i gatshëm t’ja blejë atij për 1.000 dollarë.

“Ishte me të vërtetë një pikë referimi për komunitetin. Njerëzit, mbërrinin deri këtu për të bërë fotografi me gjelin,”  tha ai.