LIGJET E BIZNESIT
Kryeministri Edi Rama vijon të shfaqet ndryshe në këtë fushatë para zgjedhjeve të 25 prillit.
Të njëjtën gjë ka bërë dhe sot, ku ka dalë në makinë duke i kërkuar llogari drejtuesit politik të PS për qarkun e Korçës Niko Peleshi.
Teksa po udhëtonte për në Pogradec, Rama ka telefonuar Peleshin dhe e ka pyetur se çfarë bëhet me Partinë Demokratike dhe Lëvizen Socialiste për Integrim.
PJESE NGA BISEDA:
Rama: Po këta si janë këta, PD, LSI, ça bëhet?
Peleshi: Ata vazhdojnë me stilin e vjetër, me denigrime, deklarata, shpifje e sulme personale por nuk po merremi me ata nuk duam të biem në batakun ku duan të na tërheqin. Intimidim, mundohen të premtojnë budallëqe, njerëzit i kuptojnë. Përshembull ky Edmond Spaho takohet me fermerët i thotë ‘sa të vijmë ne do mbyllim gjithë doganat që ju të shisni gjithë prodhimet’.
Ndërkohë që nuk e bëjmë dot e kjo dihet që nuk bëhet edhe ai e di mirë se është vet ekonomist.
Rama: Po çe pyet, ai tjetri shkon andej do ju heqim traun, tjetri andej do ju hapim rezervuarët, po çe pyet aman, nejse nesje, Rrugës jam unë shihemi atje.
