LIGJET E BIZNESIT
Ditën e sotme kryeministri Edi Rama ka vizituar familjarët e Arjan Salës, i riu i cili punonte si shef i rojeve të sigurisë në një qendër tregtare në Tiranë, ku humbi jetën mes flakëve në përpjekje për të shpëtuar 25 persona.
Kreu i qeverisë ndenji aty pak momente dhe shoqërohej nga kryetari i Bashkisë Tiranë Erion Veliaj dhe deputeti i Partisë Socialiste Ulsi Manja.
Xhaxhai i 32-vjeçarit të ndjerë, ka falenderuar të gjithë shqiptarët për mbështjetjen që i kanë dhënë familjes së tyre në këto ditë të vështira.
Naim Sala ka falenderuar të gjithë shqiptarët për mbështetjen që i kanë dhënë familjes në këto ditë të vështira.
Duke folur pas vizitës së Ramës që i dorëzoi titullin e ‘Dëshmorit të Atdheut’, Sala tha se të gjithë shqiptarët kanë kërkuar që të ndihmojnë familjen në këto momente të vështira që po kalojnë, duke i dërguar qëoftë edhe ndihma financiare.
“Dy gjëra të vogla do them, kanë ardhur nga Edi Rama te Ilir Meta, nuk duam që ta politizojmë më tej këtë çështje. Sa të qanin shumë nëna po qan vetëm një nënë sot, sa të qanin shumë baballarë, po qan sot vetëm një baba.
Na kanë mbështetur të gjithë, ma bëjnë halla nëse nuk ua mbaj mend emrin, janë me mijëra njerëz që na kanë ndihmuar, deri sot , na kanë ardhur zarfa me para nga Shkodra dhe nga të gjitha qytetet, edhe pse nuk na njihnin, shqiptarët janë të mrekullueshëm, Zoti i ruajtë për çdo gjë që mund të kenë.
Ishte kënaqësi që shteti nuk na la vetëm. Punë të mbarë dhe juve, uroj që interistat e tjera të jenë për mirë dhe jo për ngushëllim.”, u shpreh ai, teksa në krah kishte të atin e Arjan Salës, i cili ishte tepër i pikëlluar pas dhimbjes së madhe për humbjen e të birit në lule të rinisë.
