E habitshme/ Propozimi i Universitetit të Oksfordit: Studioni Dua Lipën në vend të Mozartit

Një propozim tepër i habitshëm ka ardhur së fundmi nga akademikët e Universitetit të Oksfordit në Britaninë e Madhe.

Ata kanë propozuar që të zëvendësohen kurrikulat në degët e studimit të arteve muzikore, në mënyrë që rrymat e reja të jenë në vend të klasikeve.

Një nga emrat e përmendur për tu studiuar, sipas prestigjiozes ndërkombëtare  The Telegraph, është dhe këngëtarja me origjinë shqiptare Dua Lipa.

Bëhet fjalë për thyerjen e rekordit që ajo ka bërë në “livestream”, duke  i zëvendësuar kështu muzicientët klasik siç janë Mozarti e Bethoveni.

Gjithashtu profesorët u shprehen se repertori klasik i mësuar në Oksford, i cili përfshin vepra nga Mozart dhe Beethoven, përqendrohet shumë te “historia evropiane nga periudha e skllavërisë”.

Ndërkohë dokumentet e siguruara nga mediumi britanik zbulojnë se anëtarët e fakultetit, të cilët vendosin për kurse që formojnë gradën e muzikës, kanë propozuar reforma për të adresuar këtë “hegjemoni të të bardhëve”.