“Ora e Tokës”, qytetet anembanë botës fikin dritat për 60 minuta

Në përpjekje për të rritur ndërgjegjësimin për çështjet mjedisore, monumente të famshme në Paris, Moskë, Athinë, Romë, Berlin dhe Rio de Janeiro kanë fikur dritat e tyre për 60 minuta, për të shënuar “Orën e Tokës”.

Ora e Tokës është një ngjarje globale vjetore e organizuar nga Fondacioni Botëror për Natyrën, për të rritur ndërgjegjësimin për problemet ambientaliste dhe ndryshimin e klimës.

Opera në Sidnei dhe Ura Harbour gjithashtu shuan dritat e tyre për 60 minuta.

Skulpturat e pemëve gjigante në Kopshtet pranë Limaneve në Singapor i fikën dritat në orën 20:30 me orën lokale, duke ju bashkuar qyteteve të tjera të botës.