LIGJET E BIZNESIT
Një video e shpërndarë sot nga Forcat detare ruse tregon një manovër spektakolare të kryer për herë të parë nga tre nëndetëse bërthamore në akujt e Arktikut, nismë që nënkupton një angazhim gjithnjë e më të madh nga Moska në atë zonë.
Pamjet tregojnë veprimin simultan të tre gjigantëve të thellësisë në arkipelagun e Franz Jozefit, aty ku Rusia ka ndërtuar kohët e fundit një bazë të re ushtarake.
Stërvitja u shoqërua edhe nga avionë modernë Mig-31, dhe rezultatet mbresëlënëse u përgëzuan nga vetë presidenti Vladimir Putin, që nënvizoi se manovrat tregojnë aftësinë e forcave bërthamore ruse edhe në kushtet e vështire artike.
Arktiku nuk është vetëm në llupën e Vladimir Putin. Sipas analizave, të mbështetura nga vetë Moska në të kaluar, nën akujt e Polit të Veriut ndodhen sasi të mëdha mineralesh, nafte dhe gazi natyror, për një vlerë që i afrohet 30 triliardë eurove.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Përtej Rusisë dhe Shteteve të Bashkuara, edhe Kanadaja, Danimarka dhe Norvegjia pretendojnë pjesë të kësaj pasurie përrallore, që me shumë mundësi mund të jetë burim i konflikteve në të ardhmen.
