Basha bën deklaratën e fortë: Situata do të ndryshojë më 25 prill 

Kryedemokrati Lulzim Basha ka qenë në njësinë 11 në kryeqytet, ku është takuar me qytetarët. Ai ka parë nga afër gjendjen e tyre dhe ka dëgjuar shqetësimet që i kanë përcjellë.

Qytetarët folën me kryetarin e PD-së për një situatë ekonomike dhe sociale shumë të vështirë, ndërsa biznesi sipas tyre rrezikon të shkojë drejt falimentimit. Kryedemokrati tha se situata do të ndryshojë më 25 prill dhe këtij ndryshimi do t’i prijë bashkimi i të gjithë shqiptarëve.

Lulzim Basha: Ti si je?
Qytetari: Mirë.
Lulzim Basha: Puna keq fare?
Qytetari: Puna keq fare! Presim 25 prillin.
Lulzim Basha: Prisni ndryshimin.
Qytetari: Ose e mbyllim fare, ose e hapim.

“25 është ditë ndryshimi! 25 është ditë fitoreje për të gjithë shqiptarët! Është ditë shprese dhe besimi se Shqipëria ka shumë pasuri veç i kanë zënë dy veta, pesë veta, 10 veta për veten e tyre. Ne do i çlirojmë e do i japim oksigjen e frymëmarrje juve si sipërmarrje, familjeve shqiptare edhe fëmijëve shqiptarë. Kështu që të bëhemi të gjithë bashkë e të gjithë në kutin e votimit me 25 prill”, tha Basha.