“Jetofsh gjatë dashuria ime” Elia uron princ Lekën për ditëlindje, këtë vit ka një arsye më shumë

Elia Zaharia ka zgjedhur sot të urojë ditëlindjen e bashkëshortit të saj Princ Lekës, me një foto teksa ai mban në krahë frytin e dashurisë së tyre, vogëlushen Geraldinë.

Në këtë mesazh nuk kanë munguar dhe fjalët speciale që princesha ka përzgjedhur për partnerin e saj të jetës.

“Princi im i kaltër. Të uroj gëzuar ditëlindjen. Qofsh i lumtur dhe jetofsh gjatë dashuria ime, shoku im i ngushtë, babi më i mirë në botë. Edhe pse nuk e them shpesh, i jam falenderuese Zotit që të solli në jetën time, që po rritemi bashkë, që kemi njëri-tjetrin mbështetje në çdo rrethanë. Të dua shumë, të kam ngrohtësi në zemër. Edhe 100 plot dashuri”, ka shkruar Elia krah fotos së Princ Lekës me princeshën Geraldinë në krahë.

Pak kohë më parë në një intervistë Elia ka treguar se Princ Leka është shumë i përkushtuar në rolin e babait, i kujdesshëm dhe i dhënë pas vajzës.