LIGJET E BIZNESIT
Ka një rast suksesi në Europë për nga mënyra se si po menaxhohet pandemia deri më tani.
Dhe nuk është Zelanda e Re, Vietnami apo Tajvani.
Sipas BBC, bëhet fjalë për shtetin e Islandës.
Aplikimi i masave të rrepta një javë më herët mund të ndikojë shumë në bilancet e rasteve të reja dhe viktimave.
Vendi nordik, me më pak se gjysmë milion banorë, e ka mposhtur pothuajse virusin. Vetëm 6119 raste që nga nisja e pandemisë dhe 29 viktima. Për më tepër, gjatë këtij viti nuk është regjistruar ende një viktimë nga koronavirusi.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Me rreth 20 raste të reja në ditë, të rinjtë argëtohen nëpër karaoke dhe restorante. Edhe koncertet janë rikthyer në Islandë.
Një nga arsyet e suksesit, sipas epidemiologut kryesor të Islandës, Thorolfur Gudnason, është parapërgatitja:
“Unë kam 15 vite që përgatitesha për këtë pandemi. Menjëherë sa u lëshua alarmi nëpër botë, e dinim se çfarë duhet të bënim.
Testuam shumë, shmangëm kontaktet dhe izoluam të gjithë të infektuarit. E bëmë këtë gjë që nga dita e parë”.
Gjithashtu, çdo person që hyn në Islandë, testohet dhe duhet të qëndrojë i karantinuar për një periudhë të caktuar kohe.
