LIGJET E BIZNESIT
Një 30-vjeçare shqiptare ka humbur jetën në një aksident rrugor i cili ndodhi natën e kaluar në Celle Ligure në Itali.
Denada Nerjaku banuese në Vado Ligure, u plagos në aksidentin rrugor, që u shënua në autostradën A10, ku makina e saj u përplas me një automjet të tonazhit të rëndë.
- Gruaja, u transportua me urgjencë në spital në Santa Corona në Pietra Ligure me anë të një helikopteri. Ndonëse gruas së re iu dha ndihma e duhur mjekësore, ajo ndërroi jetë, për shkak të plagëve që kishte marrë.
Traumat e shkaktuara nga përplasja e dhunshme, të cilat gjithashtu i kishin shkaktuar asaj hemorragji, ishin fatale për jetën e saj.
Shqiptarja Denada Nerjaku la pas një vajzë të vogël.
