Më në fund/ Lajme të mira vinë nga Italia, kryeministri tregon kur po planifikohet hapja e vendit

Italia vijon përballjen e fortë me pandeminë prej më shumë se një viti tashmë.

Shifrat janë ende të larta, ku në vetëm 24 orët e fundit ka patur 551 humbje jete.

Ndërkohë vendi është ende në luftë për të përballuar valën e tretë të infeksioneve dhe për të përshpejtuar fushatën e vaksinimit të ngadaltë.

Numri i të infektuarve është 3.4 milion.

Gjithashtu mësohet se javët e fundit ka patur një rritje dhe të të shtruarve në spital për shkak të përhapjes së varianteve të reja.

Kryeministri Italian Mario Draghi ka bërë të ditur se Italia tanimë ka siguruar 4 vaksina efektive dhe të sigurta që do të bëjë të mundur rihapjen e vendin në mënyrë graduale.

“Qëllimi është të vaksinohen sa më shumë njerëz që të jetë e mundur në kohën më të shkurtër të mundshme. Ne duhet ta rrisim ritmin në gjysmë milioni në ditë. Shpresojmë të rihapim shkollat deri në fillore pas Pashkëve”, tha ai.

Gjatë fjalës së tij në Senat Draghi u shpreh se qëllimi i qeverisë është që certifikata e gjelbër europiane do të jepet për të gjithë brenda tre muajsh për këdo që është vaksinuar apo shëruar nga Covid-19. Ky objektiv do të arrihet pa diskriminim duke respektuar të dhënat e qytetarëve.

Vaksina Johnson&Johnson pritet të mbërrijë në Itali gjatë muajt prill, si pjesë e fushatës së vaksinimit . Aktualisht rajoni i Lombardisë ka vaksinuar 33 mijë njerëz në ditë dhe sipas “Tgcom24” deri në fund të prillit do të vaksinohen 130 mijë njerëz në ditë.

Ministri i Shëndetësisë, Roberto Speranza, është shprehur se vendit i duhen të gjitha vaksinat përfshirë edhe atë ruse për aq kohë sa Rusia e ka deklaruar atë të sigurtë dhe efektive. Speranca bëri të ditur se Italia nuk ka asnjë lloj paragjykimi për këtë vaksinë.

Kjo deklaratë erdhi pas Agjencia Evropiane e Barnave, ka njoftuar planet për të kryer inspektime të laboratorëve klinikë të vaksinës Ruse Sputnik V dhe vendeve të prodhimit si pjesë e vlerësimit të sigurisë dhe efikasitetit të saj.