‘Blindohet’ Fieri/ Forcat RENEA rrethojnë gjykatën, ky është i dyshuari që del sot para togave të zeza

Ditën e sotme Albert Zaja është sjellë në gjykatën e Fierit nga forcat të shumta policie që kanë ‘blinduar’ qytetin.

Zaja akuzohet si i dyshuari kryesor për vrasjen e Shkëlzen Kastratit dhe do të njihet me masën e sigurisë.

Ai ka mbërritur në gjykatë nën masa të rrepta, ku 11 efektivë të RENEAS e shoqëronin.

I dyshuari ishte me pranga në dorë, me xhup të errët dhe kapuç në kokë.

Mësohet se në fund të seancës trupi gjykues ka vendosur të caktojë masën e sigurisë “arrest me burg” për Zajën.

Kujtojmë se 37-vjeçari u arrestua të dielën nga forcat operacionale në banesën e tij në fshatin Larushkë të Niklës për vrasjen e Shkëlzen Kastratit.