“S’dija si tia shpjegoja djalit pse nuk u arrestua” Bushati flet për përplasjen e Metës me Policinë Bashkiake

Deputeti i Partisë Socialiste Ervin Bushati ka folur rreth përplasjes së presidentit Ilir Meta me Policinë Bashkiakë në selinë e FRD disa ditë më parë.

Ai u shpreh se e kishte të vështirë ti shpjegonte djalit të tij që e ka  9 vjeç se pse policia nuk e arrestonte Kreun e Shtetit.

“Unë ditët që ndodhi incidenti me presidentin, nuk dija t’i shpjegoja djalit tim që është 9 vjeç pse polici nuk e arreston atë zotërinë. Derisa nuk ka opozitë, unë e kuptoj që të gjithë do i kemi kundra.

Presidenti ka vendosur një precedentë shumë të turpshëm, pasi nuk njeh zgjedhjet. Kemi pafuqinë e një opozite për të ngritur politikisht kauzën e saj për t’u bërë maxhorancë”, deklaroi Bushati.