Merr flakë banesa në Vlorë/ Humb jetën e moshuara

Një banesë në lagjen “Lef Sallata” është përfshirë nga flakët pasditen e sotme në Vlorë. Për pasojë, dyshohet se ka humbur jetën një grua e moshuar.

Gazetari i Neës24 Enrik Mehmeti, tha se gruaja jetonte e vetme në banesë dhe mësohet se ishte e paralizuar. Policia ka shkuar në vendin e ngjarjes.

Informacion paraprak

Më datë 23.03.2021, rreth orës 17:45, në lagjen “Lef Sallata”, Vlorë, ka rënë zjarr në një banesë ku jetonte shtetasja E. Gj., rreth 50 vjeçe, invalide, e cila nuk ka mundur të dalë nga banesa dhe për pasojë ka ndërruar jetë.

Grupi hetimor ndodhet në vendngjarje dhe nën drejtimin e Prokurorisë vijon puna për përcaktimin e shkakut të rënies së zjarrit.