22 mars 1908, 113 vjet më parë Fan Noli mban meshën e parë shqipe në SHBA

Më 22 mars të vitit 1908, në Boston të SHBA-së, At Theofan Stilian Noli, i njohur ndryshe si Fan Noli, festoi meshën e parë në gjuhën shqipe. Në atë ditë u krijua kisha e parë shqiptare ortodokse përtej Atlantikut. Bëhet fjalë për kishën e Shën Gjergjit.

Këto dy ngjarje janë shumë të rëndësishme jo vetëm për historinë e kishës ortodokse autoqefale, por edhe për çështjen tonë kombëtare.

Në Boston, disa shqiptarë ishin pjesë e Kishës Ortodokse Greke, që i kundërvihej me forcë çështjes kombëtare shqiptare. Në momentin që një prift ortodoks refuzoi t’ia kryente shërbesat e fundme të ndjerit Kristaq Dishnica, Noli së bashku me një grup shqiptarësh patriotë krijuan Kishën e pavarur (Autoqefale) Ortodokse Shqiptare.

Noli, prifti i parë i kishës së re, u shugurua prift më 8 mars 1908 nga kryepeshkopi Platon Rozhdestvensky i Kishës Ruse në Shtetet e Bashkuara, në kushte aspak të qarta.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern