Ndodh në Kosovë/ Gratë në Kuvend vishen me të bardha, deputetja tregon arsyen (FOTO)

Këtë të hënë gratë deputete të parlamentit të Kosovës ishin veshur të gjitha me të bardha.

Arsyeja ishte simbolike, në nder të rritjes së numrit të grave pjesëmarrëse në Kuvend.

“Bardh, në nder të sufrageteve të viteve të 20-ta që ngritën zërin për të drejtën e votës, duke huazuar ngjyrën e përdorur që nga fillimvitet e shekullit 20 e deri te kongresistet në SHBA në vitin 2020, si një shenjë solidariteti edhe një herë.

Në nder të të gjitha grave që hapën shtegun para nesh dhe për të gjitha që do vijnë pas. Në nder të qëndresës së çdo gruaje që vazhdon të luftoj e marshoj për të drejtat e saj, përtej datës 8 mars, sepse ia imponon përditshmëria e saj.

Jemi këtu për ju! Sot veshur në bardh, simbolikisht, për një premtim për luftimin e vazhdueshëm, jo simbolik por konkret, për të drejtat e juaja”, ka shkruar në Facebook deputetja, Doarsa Kica.