Tronditet politika gjermane/ Ishte nën hetim, humb jetën deputetja. Gjithë skena ndodhi në avion

Një ngjarje e rëndë ka tronditur së fundmi politikën gjermane.

Mësohet se një deputete ka humbur jetën papritur teksa po udhëtonte me avion nga Kuba për në Gjermani.

Bëhet fjalë për Karin Strenz, deputete e CDU, e cila ka humbur ndjenjat gjatë fluturimit.

Kjo e ka detyruar pilotin që të bëjë një ulje emergjente në Irlandë.

Por pavarësisht ndihmës së parë në spital, 53-vjecarja kishte ndërruar jetë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Sipas informacioneve shkak i vdekjes ishte ataku kardiak.

Sipas gazetës BILD, deputetja gjermane nuk ishte në Kubë për ndonjë udhëtim pune. Ajo ndodhej atje bashkë me të shoqin.

Karin Strenz ishte duke u hetuar se fundmi për abuzim me detyrën dhe pastrim parash. Gazeta BILD shkruan se dyshohet se ajo kishte marrë një shumë të madhe parash nga disa lobistë nga Azerbajxhani.

Në total bëhet fjalë për të paktën 4 milionë euro të kaluara në llogari bankare të ndryshme.

Deputetes i ishte hequr imuniteti, por vazhdonte të mbante mandatin. Në zgjedhjet e ardhshme ajo nuk do rikandidonte.