Trashësia e dëborës arrin mbi 80 centimetër/ Probleme të theksuara në Dibër

Në qytet trashësia e dëborës ka arritur nga 35 deri në 50 cm, ndërsa në zonat e thella trashësia arrin deri në 80 cm.

Aksi Peshkopi – Kala e Dodës – Kukës është bllokuar për disa orë, ndonëse borëpastrueset kanë ndërhyrë herë pas here për pastrimin e rrugës.

Edhe rrethi i Bulqizës është bllokuar nga reshjet e dëborës gjithashtu. Disa fshatra kanë mbetur edhe pa energji elektrike, duke e bërë kështu më të vështirë për banorët përballimin e temperaturave të ulëta.