LIGJET E BIZNESIT
Dy vëllezërit Marjan dhe Hot Doçaj që u plagosën mbrëmjen e kaluar në fshatin Bardhaj gjatë një shkëmbimi zjarri janë arrestuar.
At u arrestuan pasi janë kundërpërgjigjur me armë zjarri ndaj autorit të plagosjes, Besim Perkola.
Dy të rinjtë kanë deklaruar në plolici se kanë qenë duke lëvizur me makinë kur në drejtim të tyre ka qëlluar me kallashnikov Besmir Perkola.
Sipas Doçajve, ata nuk kanë probleme me askënd dhe nuk e dinë pse janë qëlluar.
Vëllezërit janë kushërinj me Gentian Doçajn, në kërkim si urdhërues i pengmarrjes së Jan Prengës në Kamëz 1 vit më parë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Për policinë dhe prokurorinë e Tiranës, Gentian Doçi, dyshohet se është njëri nga tre personat që kanë urdhëruar marrjen peng të Jan Prengës, përfshirë këtu Dritan Rexhepin nga Vlora dhe Altin Hajrin nga Shijaku.
Njoftimi
Vihen në prang dy vëllezërit Doçaj që mbetën të plagosur mbrëmjen e djeshme gjatë një konflikti me armë zjarri.
Shpallet në kërkim autori i plagosjes së dyfishtë me armë zjarri.
Në vijim të veprimeve për zbardhjen e ngjarjes së ndodhur mbrëmjen e djeshme në fshatin Bardhaj, në përfundim të veprimeve të para hetimore u bë arrestimi në flagrancë i shtetasve M. D., 26 vjeç dhe H. D., 31 vjeç, banues në fshatin Bardhaj, Shkodër, si dhe u shpall në kërkim shtetasi B. P., 29 vjeç, banues në fshatin Bardhaj, Shkodër.
Nga veprimet hetimore rezultoi se:
Më datën 20.03.2021 rreth orës 19.30, në fshatin Bardhaj Shkodër, gjatë një konflikti për motive të dobëta shtetasit M. D. dhe H. D. kanë qëlluar me armë zjarri në drejtim të shtetasit B. P. i cili i është kundërpërgjigjur duke qëlluar me armë zjarri automatik, ku për pasojë mbetën të plagosur jashtë rrezikut për jetën dy vëllezërit ndërsa shtetasi B.P., u largua nga vendi i ngjarjes dhe u shpall në kërkim.
Vijon puna intensive për kapjen e shtetasit B.P.
Në vendin e ngjarjes janë sekuestruar prova materiale që shërbejnë për dokumentimin e plotë të ngjarjes si dhe mjeti tip Audi, i shtetasit M.D.
Materialet iu referuan Prokurorisë së Rrethit Gjyqësor Shkodër në ngarkim të shtetasve M. D. dhe H. D. për veprat penale “Vrasje me paramendim, e kryer në bashkëpunim, mbetur në tentativë”, si dhe “Mbajtje pa leje të armëve dhe municioneve luftarake”, ndërsa për shtetasin B. P. për veprat penale të “Vrasje në rrethana cilësuese, e mbetur në tentativë”, dhe “Mbajtje pa leje të armëve dhe municioneve luftarake”.
