Ngjarje e rëndë në Përmet/ Hidhet nga ura 60-vjeçari, policia nxjerr trupin e pajetë

Një ngjarje e rëndë ka ndodhur sot rreth orës 09:30, në hyrje të qytetit të Përmetit.

Mësohet se është hedhur nga ura shtetasi S. D., 60 vjeç, banues në Piskovë, Përmet, i cili vuante nga probleme të shëndetit mendor.

Shërbimet e Komisariatit të Policisë Përmet në bashkëpunim me banorët e zonës, bënë të mundur nxjerrjen e trupit të pajetë të shtetasit S. D., nga shtrati i lumit.

Në vendngjarje ndodhet grupi hetimor dhe po punon për zbardhjen e rrethanave të ngjarjes.