LIGJET E BIZNESIT
Erdhën për të qetësuar gjakrat, por u zunë edhe më keq. E kemi fjalën për Xhensila Pere dhe gazetarin, Ronaldo Sharka, të cilët disa javë më parë patën një debat të zjarrtë në programin e këtij të fundit.
Debati nisi nga një pyetje e bërë nga Ronaldo ku i thotë Xhensilës se e akuzojnë si të pamoralshme në rrjetet sociale.
Në këtë momente intervista mori një drejtim tjetër dhe Xhensila i është përgjigjur Ronaldos me të njëjtën monedhë duke i thënë se dhe atë publiku e mendon si homoseksual.
Mbrëmjen e sotme në programin “Dua të të bëj të lumtur” kishte ardhur në studio Ronaldo i cili kishte menduar se nëpërmjet emisionit ai do të krijonte një urë komunikimi me Xhensilën që të shuante debatet dhe konfliktin e gjatë midis tyre. Ronaldo në studio rrëfeu se ajo pyetje nuk ishte e qëllimshme, madje se e gjitha kishte qenë një keqkuptim. “Unë nëpërmjet pyetjeve po sulmoja fenomenin, por pashë që dhe Xhensilën në rrjetet sociale e akuzonin, prandaj mendova se nëpërmjet pyetjes do të sqaroja gjithçka”, u shpreh gazetari.
Nga ana tjetër Xhensila tregoi se e gjithë intervista dhe pyetjet që iu bënë asaj kishin qëllimin e marrjes të sa më shumë klikimeve. Madje Xhensila shtoi: Ronaldo në fakt është bërë kurban, pasi këtë gjë e bëjnë shumë gazetarë. Ata nëpërmjet pyetjeve denigruese që u bëjnë të ftuarve dëshirojnë që të marrin sa më shumë famë dhe sa më shumë klikime. Por unë nuk e durova më këtë dhe u ktheva në atë formë.
E kështu në vend që të qetësohej debati midis Xhensilës dhe Ronaldos vazhdoi akoma dhe më shumë, derisa biseda degjeneroi dhe në ofendime midis tyre. Në fund asnjëri nga personazhet nuk kërkoi falje dhe Xhensila vendosi të largohej nga studioja.
