Atentat te Ura e Mifolit, 33-vjeçari shpëton për mrekulli

Në hyrje të Novoselës te “Ura e Mifolit është qëlluar me armë zjarri në drejtim të një makine tip ‘Golf’, ndërsa raportohet për të paktën një person të plagosur. Të shtënat me armë kallashnikov kanë shkuar në drejtim të mjetit që drejtohej nga 33-vjeçari R.A nga qyteti i Vlorës.

Objektivi i këtij atentati për fat të mirë ka humbur kontrollin e mjetit dhe ka dalë nga rruga duke pësuar lëndime të lehta dhe i shpëtoi për mrekulli plumbave. Mësohet se i riu nuk ka të lënduar me armë zjarri.

Sakaq grupi hetimor ndodhet në vendin e ngjarjes dhe po kryen hetimet në lidhje me zbardhjen dhe sqarimin e rrethanave.

Po punohet nëpërmjet kontrollit të territorit dhe veprimeve të tjera hetimore për identifikimin dhe kapjen e autoriteteve.