Pandemia/ Parisi mbyllet, ndërsa Franca nën kthetrat e frikës së ‘valës së tretë’

Kryeqyteti francez, Parisi do të futet në një bllokim një-mujor pasi vendi i frikësohet një vale të tretë të pandemisë covid.

15 rajone të tjerë në vend gjithashtu do të vendosen nën të njëjtat masa nga mesnata e së Premtes.

Këto masa nuk do të jenë aq të rrepta sa bllokimi i mëparshëm, tha Kryeministri Jean Castex.

Franca ka regjistruar 35,000 raste të reja brenda 24 orëve të fundit.

Z. Castex tha se një “valë e tretë” e infektimeve në vend po duket gjithnjë e më e mundshme.

Situata në Paris është veçanërisht shqetësuese me 1,200 njerëz në kujdes intensiv atje, më shumë sesa në kulmin e valës së dytë në nëntor, tha Ministri i Shëndetësisë Olivier Veran.

Sipas masave të reja, bizneset jo thelbësore do të detyrohen të mbyllen, por shkollat ​​do të qëndrojnë të hapura. Njerëzit do të lejohen të bëjnë aktivitete dhe ushtrime jashtë, brenda 10 km (6 milje) nga shtëpia e tyre dhe nuk lejohen të udhëtojnë në pjesë të tjera të vendit nëse nuk kanë një arsye të vlefshme.

Ata në zonat e prekura do të duhet të plotësojnë një formular për të shpjeguar pse janë larguar nga shtëpitë e tyre.