Ministrja Balluku jep lajmin e mirë: Ja kur do të hapet tuneli nr.3 tek Dogana

Ministrja e Infrastrkturës dhe Energjisë, Belinda Balluku në një intervistë për Report Tv tha se në fund të marsit do të hapin tunelin nr.3 tek Dogana. Sipas saj, një situatë e tillë do të lehtësojë shumë trafikun në zonën e Unazës së re.

Po ashtu,  Balluku tha se kjo do të jetë një lirshmëri për shoferët që duan të shkojnë në Durrës apo të kthehen në Tiranë.

“Sa i përket Unazës së Tiranës kemi hapur një nga tunelet më të rëndësishme, tunelin nr.4 që tërheqë trafikun që vjen nga Tirana. Në ditët e fundit të Marsit do të hapim tunelin nr. 3 dhe ky do të shmangë shumë trafikun. Të gjithë qytetarët nuk do të qëndrojnë më për orë të tëra duke pritur në atë zonë”, – tha Balluku.